ခေါင်းဆောင်ကောင််းတတ်ထားရမည့် တစ်မိနစ် စီမံခန့်ခွဲမှုနည်းလမ်းသစ်(ထက်ထက်တင်ဇာ)

The New One Minute Manager ရဲ့ အမှတ်အသား သင်္ကေတဟာ ကျွန်တော်တို့ တစ်ဦးချင်းစီကို အချက်ပေးဖို့ ရည်ရွယ်ထားတာ ဖြစ်တယ်။ အဲဒါကတော့ တစ်နေ့ တာထဲက မိနစ်ပိုင်းလောက် အချိန်ပေးပြီး ကိုယ် ဦးဆောင်နေရတဲ့၊ ကိုယ် စီမံခန့်ခွဲ နေရတဲ့သူတွေရဲ့ မျက်နှာတွေကို သေသေချာချာ ကြည့်ပေးဖို့ပါပဲ။ ပြီးတော့ အဲဒီလူ တွေဟာ ကျွန်တော်တို့အတွက် အရေးအကြီးဆုံးသော အရင်းအမြစ်တွေ ဖြစ်တယ် ဆိုတာကို သတိပြုမိဖို့အတွက်လည်း ဖြစ်ပါတယ်။ The New One Minute Manager ထဲမှာ တွေ့ရှိရမယ့် လျှို့ဝှက်ချက် သုံးခုကို သင် တို့ရဲ့ ပြောင်းလဲနေတဲ့ လောကကြီးထဲမှာ အသုံးချကြည့်မယ်လို့ မျှော်လင့်ပါတယ်။ လုပ်ငန်းခွင်က လုပ်ဖော်ကိုင်ဖက်တွေနဲ့တင် မဟုတ်ဘဲ ကိုယ့်ရဲ့ မိသားစု၊ သူငယ်ချင်း တွေနဲ့ ဆက်ဆံရေးမှာပါ အသုံးချကြည့်နိုင်ပါတယ်။ အဲဒီလိုသာ အသုံးချမယ်ဆိုရင် သင်နဲ့အတူ လက်တွဲလုပ်ကိုင်နေသူတွေရော၊ အတူနေထိုင်သူတွေပါ ပိုပြီး ကျန်းမာ ပျော်ရွှင်တဲ့၊ ပိုပြီး လုပ်ငန်းစွမ်းဆောင်ရည်တိုးတက်တဲ့ ဘဝတွေကို ပိုင်ဆိုင်နိုင်မယ် လို့ ကျွန်တော်တို့ ယုံကြည်ပါတယ်။