အားထုတ်မှုနည်းနည်း နဲ့ ရလဒ်များများ ရအောင်လုပ်ပါ (ကတ်စပါဇော်)

အလုပ်ကြိုးစားမှုဟာ ရလဒ်ကောင်းကောင်းရစေတယ် ဆိုတာက မှန်ပါတယ်။ ဒါပေမဲ့ အဲဒါက အမှတ်တစ်ခုအထိပဲ မှန်ကန်တာပါ။ နောက်ဆုံးမှာ ကျွန်တော်တို့အနေနဲ့ အချိန်နဲ့ အားထုတ်မှု ဘယ်လောက်များများလုပ်နိုင်မလဲဆိုတဲ့ အကန့်အသတ်ရှိပါတယ်။ အဲဒီအမှတ်နောက်မှာ ကျွန်တော်တို့ အားအင်ပိုပြီး စိုက်ထုတ်လေလေ အဲဒီအားထုတ်မှုကနေ ကျွန်တော်တို့ ပြန်ရတာက လျော့ပါးဆုတ်ယုတ်သွားလေလေပါပဲ။

အရာအားလုံးကို အလွန်အကျွံ အားစိုက်ထုတ်ပြီး လုပ်နေစရာ မလိုပါဘူး။ နောက်အဆင့်တစ်ခုကိုရောက်ဖို့ ပင်ပင်ပန်းပန်း လုပ်မှဖြစ်မှာ မဟုတ်ပါဘူး။ အရေးပါတဲ့အရာတွေကို ကိုင်တွယ် လုပ်ဆောင်ဖို့ ခက်ခဲလွန်းလာတဲ့အခါ ခင်ဗျားဟာ အဲဒါတွေကို လက်လျော့လိုက်တာလည်း လုပ်လို့ရသလို ပိုပြီးလွယ်ကူတဲ့ နည်းလမ်းတစ်ခု ရှာဖွေတာကိုလည်း လုပ်လို့ရပါတယ်။