တစ်မိနစ်စာမားကတ်တင်း

✔️တကယ်လို့သာ လူတွေရဲ့ ဦးနှောက်က နေ့စဉ်မြင်တွေ့နေရတဲ့ Brand တိုင်းကို အမြဲတမ်းမှတ်မိနေမယ်ဆိုရင် ကြော်ငြာဆိုတာတောင် လိုတော့မှာ မဟုတ်ပါဘူး။ ✔️ဒါပေမဲ့ လူ့ဦးနှောက်ရဲ့သဘာဝက နေ့စဉ်ဝင်လာတဲ့ အချက်အလက် မြောက်မြားစွာကို ပုံမှန်ရှင်းထုတ်ပေးနေတတ်တာပါ။ ဒါကြောင့် Marketing လုပ်ရတဲ့ရည်ရွယ်ချက်ဟာ လူတွေကို ဆွဲဆောင်ရုံတင်မဟုတ်ဘဲ သူတို့စိတ် ထဲမှာ ရင်းနှီးလာမချင်း အကြိမ်ကြိမ် Remind လုပ်ပေးနေဖို့ဖြစ်ပါတယ်။ ✔️အကြိမ်ကြိမ်မြင်ဖူး၊ ကြားဖူးသွားတဲ့အခါ ခေါင်းထဲမှာ ရင်းနှီးမှုနဲ့ ယုံကြည်မှု (Familiarity & Trust) ဆိုတာ အလိုလို တည်ဆောက်ပြီးသား ဖြစ်သွား ပါတယ်။ ✔️ရလဒ်ကတော့ ဝယ်သူတစ်ယောက်အနေနဲ့ ပစ္စည်းတစ်ခုခုကို ဝယ်ယူဖို့ ဆုံးဖြတ်တဲ့အခါ ခေါင်းထဲမှာ ပထမဆုံးပေါ်လာတဲ့ Brand (Top-of-Mind Brand) ကိုပဲ ဦးနှောက်က သဘာဝအတိုင်း ရွေးချယ်လိုက်တာပါပဲ။ အတို ချုပ်ပြောရရင် Marketing ဆိုတာ ဦးနှောက်ရဲ့ မေ့လျော့ခြင်း သဘာဝကို အနိုင်တိုက်ရတဲ့ Memory Game တစ်ခုပဲ ဖြစ်ပါတယ်။