ကိုယ်ပိုင်စီးပွားရေးလုပ်ငန်းကို အောင်မြင်စွာ တည်ဆောက်လိုသူများ၊ အထူးသဖြင့် ငွေရေးကြေးရေး အမှီခိုကင်းသောဘဝ တည်ထောင်လိုသည့် ဝန်ထမ်းများ ကြိုတင်ပြင်ဆင်ထားသင့်သည့် ရုပ်ပိုင်းဆိုင်ရာနှင့် စိတ်ပိုင်းဆိုင်ရာ လိုအပ်ချက်များ၊ ဆောင်ရန်ရှောင်ရန်များ - ...
ဝေါစထရိဂျာနယ်နှင့် နယူးယောက်တိုင်းမဂ္ဂဇင်းတို့၏ ရောင်းအကောင်းဆုံးစာအုပ်စာရင်းတွင် လေးနှစ်ခွဲလုံးလုံး နေရာယူခဲ့သော Rich Dad Poor Dad စာအုပ် ရေးသားခဲ့သူ၏ ထပ်ဆင့်ကမ္ဘာကျော်စာအုပ်။
ကိုယ့်ဘဝကိုယ် စိတ်ကြိုက်ပုံဖော်ရေး ဘာသာပြန် စာအုပ်၏ မူရင်းစာအုပ်မှာ Before You Quit Your Job ဖြစ်ပါသည်။ ရေးသားသူကတော့ Rich Dad, Poor Dad စာအုပ်ဖြင့် ကမ္ဘာကျော်ခဲ့သော ရောဘတ်ကီယိုဆာကီနှင့် ရှရွန်လက်စ်တာတို့ဖြစ်ပါသည်။ ထို့နောက်ပိုင်းတွင် သူတို့ နှစ်ဦးတွဲဖက်ပြီး ချမ်းသာဖေဖေ ဆင်းရဲဖေဖေ စာစဉ်အဖြစ် စာအုပ်များ ဆက်တိုက်ရေးသားထုတ်ဝေခဲ့၏။ ယခု ကိုယ့် ဘဝကိုယ် စိတ်ကြိုက်ပုံဖော်ရေး စာအုပ်သည်လည်း ချမ်း သာဖေဖေ ဆင်းရဲဖေဖေ စာစဉ်ထဲက တစ်အုပ်ဖြစ်ပါသည်။
ဤစာအုပ်၏ အဓိကအာဘော်မှာ စီးပွားရေးအရ အမှီခို ကင်းစွာ ရပ်တည်လိုသူများ၊ ကိုယ်ပိုင်စီးပွားရေးလုပ်ငန်း တည်ထောင်ဖို့ ဝန်ထမ်းဘဝမှ ထွက်လိုသူများ အောင်မြင် ဖြစ်မြောက်စေရေးအတွက် ကြိုတင်ပြင်ဆင်မှုများ ပြုလုပ်ရေး ပင်ဖြစ်၏။ ဘယ်လိုကြိုတင်ပြင်ဆင်မှုများ ပြုလုပ်ရမည်ဆို သည်ကိုလည်း ခင်းကျင်းတင်ပြထား၏။ ကိုယ်ပိုင်စီးပွားရေး တည်ဆောက်လိုသူများ ကြုံတွေ့ ရင်ဆိုင်ရလေ့ရှိသော အခက် အခဲများကို ကျော်လွှားလွန်မြောက်နိုင်ရန် နည်းလမ်းများ၊သို့မဟုတ် ထွက်ပေါက်များ ရှာပေးထား၏။
ရောဘတ်ကီယိုဆာကီတို့က ဝန်ထမ်းဘဝကို စိတ်ပျက် ငြီးငွေ့နေသူများအား ရည်ရွယ်ပြီး ရေးသားထားသော်လည်း ကိုယ်ပိုင်စီးပွားရေးတည်ဆောက်လိုသူ ဘယ်သူမဆို လက် ကိုင်ထားလို့ရသည့်စာအုပ်ဖြစ်ကြောင်း တွေ့ ရပါသည်။
စာရေးသူ- မြတ်ငြိမ်း (မြန်မာပြန်)
စာမျက်နှာ- ၃၁၇
