မျက်နှာဖုံးများအကြောင်း ရုပ်ရှင်ခံစားမှုဆောင်းပါးများ–၃) (ဂျုး) Burmese Book

လူတို့သည် အကြောင်းအမျိုးမျိုးကို ဖုံးကွယ်ရန် နှင့် အကြောင်းအမျိုးမျိုးဖြင့် ဟန်ဆောင်ရန်အတွက် မျက်နှာဖုံးများကို တပ်ဆင်ကြ၏။ ဒေါသမုန်းတီးမှုကို ဖုံးကွယ်ရန်၊ မနာလိုဝန်တိုမှုကို ဖုံးကွယ်ရန်၊ ကောက်ကျစ်စဉ်းလဲမှုကို ဖုံးကွယ်ရန်၊ ရက်စက်ကြမ်းကြုတ်မှုကို ဖုံးကွယ်ရန် လိုအပ်သည့် မျက်နှာဖုံးများကို အမျိုးမျိုးတပ်ဆင်ကြသည်။ 

ကြင်နာစွာ ပြုံးပြတတ်သော မျက်နှာဖုံး ရှိသည်။ စိတ်ရှည်သည်းခံ ပြတတ်သော မျက်နှာဖုံးရှိသည်။ အပြစ်ကင်းစင်ဟန် ဖော်ပြတတ်သော မျက်နှာဖုံး ရှိသည်။ ချစ်ခင်နှစ်လိုဟန် မျက်နှာဖုံး ရှိသည်။ သဘောထားမြင့်မြတ်စွာ ကူညီလိုဟန် မျက်နှာဖုံး ရှိသည်။ 

ကမ္ဘာလောကတွင် မျက်နှာဖုံးတွေသာ မရှိခဲ့လျှင် လူဦးရေ တော်တော် လျော့သွားနိုင်၏။ ထို့အတူ မိတ်ဆွေ ဟူသည့်စကားလုံးသည်လည်း ယခုလောက် ဖောင်းပွနေစရာ အကြောင်းမရှိပါ။

မျက်နှာဖုံးကျွတ်သွားသည့် လူတစ်ယောက်၏ ပကတိမျက်နှာကို မြင်တွေ့ရသည့်အဖြစ်သည် အလွန် အံ့သြ တုန်လှုပ်စရာ ကောင်းပါသည်။ 

ဂျူး - မျက်နှာဖုံးများအကြောင်း ( ရုပ်ရှင်ခံစားမှုဆောင်းပါးများ)