လီကာရှင်းကို ၁၉၂၈ခုနှစ်၊ဇွန်လမှာ ဆင်းရဲတဲ့ မိသားစုလေးကနေ တရုတ်နိုင်ငံ ဂွမ်ဒွန်းပြည်နယ်၊ ချောင်ဂျိုမြို့လေးမှာမွေးဖွားခဲ့ပါတယ်။ ဒုတိယကမ္ဘာစစ်ကြီးဖြစ်ခါနီးမှာ ဂျပန်လေယာဉ်တွေက ချောင်ဂျိုမြို့ကို ဗုံးကြဲတိုက်ခိုက်လာကြလို့ လီကာရှင်းဟာ မိသားစုနဲ့အတူ ယောင်ကောင်ကျွန်းကို ရွက်လှေနဲ့ ထွက်ပြေးခဲ့ရတယ်။ အဲဒီရောက်ပြီး မကြာခင်မှာ လီကာရှင်းရဲ့ အဖေ ကွယ်လွန်သွားခဲ့ပါတယ်။ အဲဒီအချိန်မှာ ၁၅နှစ်သားပဲရှိသေးတဲ့ လီကာရှင်းဟာ မိသားစုအတွက် ကျောင်းထွက်ပြီး ကြုံရာအလုပ်လုပ်ရတယ်.။ ဟောင်ကောင်ရဲ့ စီးပွားရေး ဖွံ့ဖြိုးတိုးတက်လာတဲ့အချိန်မှာ လီကာရှင်းဟာ သူစုထားတဲ့ ပိုက်ဆံလေးနဲ့ ပလက်စတစ်ပန်းတွေထုတ်လုပ်ပြီး ဥရောပနိုင်ငံတွေကို တင်ပို့ရောင်းချတယ်။ ငွေကြေးအမြတ်အစွန်းအတော်ရလိုက်တယ်။ သူရဲ့ ပလက်စတစ်ပန်း အောင်မြင်မှုကြောင့် လူတွေက သူ့ကို “ပလက်စတစ်ပန်းဘုရင်ကြီး” လို့ တင်စားခေါ်ဝေါ်ကြတယ်။ ဒါပေမယ့် အဲဒါဟာ သူရဲ့ စီးပွားရေးအကွက်မြင်မှု၊ နိုင်ငံရေးနဲ့ စီးပွားရေးအပြောင်းအလဲတွေမှာ အခွင့်အလမ်းကို ရှာဖွေပြီး အသုံးချတတ်မှု၊ အခက်အခဲတွေကို ကြံ့ကြံ့ခံ ရင်ဆိုင်နိုင်မှုစတဲ့ အရည်အချင်းတွေကြောင့် ဟောင်ကောင်ရဲ့ အချမ်းသာဆုံး ဘီလျံနာသူဌေးကြီးဖြစ်လာပုံကို ယခုစာအုပ်မှာ စိတ်ဝင်စားဖွယ်ရာ အားကျအတုယူစရာအဖြစ် ဖတ်ရှုရမှာဖြစ်ပါတယ်။
