သုခ မြို့တော် (မြသန်းတင့်) Burmese Book

"ငွေရှိရင်

ဘုရားသခင်တောင်

ဝယ်လို့ရတယ်

ခဏလေးစောင့် ကလေး

အဖေ သွေး  သွားရောင်းချေဦးမယ်"

✅နာမည်က “သုခမြို့တော်”။

မြို့တော်တွင်းမှာ ဒုက္ခတွေအပြည့်နဲ့။

ဆင်းရဲသားနင်းပြားတွေရဲ့ ဒုက္ခတွေအပြည့်နဲ့ ဘဝတွေ။

👉လူဦးရေထူထပ်၊ သူတော်စင်တွေအများအပြားနဲ့ အကျင့်ပျက်ခြစားနေတဲ့ နိုင်ငံရေးခေါင်းဆောင်တွေ ပေါများတဲ့ အိန္ဒိယနိုင်ငံ။

👉လှပတဲ့ရှုခင်းတွေရှိသည့်တိုင်… ညစ်ပတ်နုံချာဆင်းရဲတဲ့ ဆင်းရဲသားတို့ရပ်ကွက်က အနိဌာရုံတွေနဲ့ ပြည့်နှက်နေသည့်တိုင်းပြည်ကြီးတစ်ခု။

👉ဒီအကြောင်းတွေကို နင့်သည်းစွာ ဖတ်ရှုရမည့် ဘာသာပြန်စာအုပ်ကောင်းတစ်အုပ်။

📚မူရင်းစာရေးသူက ပြင်သစ်စာရေးဆရာ Dominique Lapierre ဖြစ်ပြီး အိန္ဒိယနိုင်ငံရဲ့ဆင်းရဲသားရပ်ကွက်မှာ (၂)နှစ်ကျော်ကြာနေထိုင်ပြီး ဖြစ်ရပ်မှန်တွေကို အခြေပြုရေးသားခဲ့တာပါ။

ဆရာကြီးမြသန်းတင့်က ယင်းကို “သုခမြို့တော်” ရယ်လို့ ဘာသာပြန်ရေးသားခဲ့ပြီး ၁၉၉၂ ခုနှစ်မှာ အမျိုးသားစာပေ ဘာသာပြန်ဆု ကို ရရှိခဲ့ပါတယ်။

အထွေအထူးညွှန်းစရာမလိုပေမယ့် ဖတ်ပြီးသူတွေဆီမှာ ကောင်းလွန်းလို့ပြောစမှတ်တွင်ကြသလို… မဖတ်ရသေးသူတွေအတွက်လည်း ကြားဖူးပြီးသား စာအုပ်ကောင်းတစ်အုပ် ဖြစ်နေဆဲပါ။

စာမျက်နှာ ၅၇၄

စာရေးသူ- မြသန်းတင့် (မြန်မာပြန်)

စာဖတ်သူကို ပထမဆုံးစာကြောင်းမှ စပြီး လက်က မချချင်လောက်အောင် ဖမ်းစားထားသည့် စာအုပ်။ စာအုပ်ကို အဆုံးထိ ဖတ်ရှုပြီးနောက် စာအုပ်ပိတ်လိုက်ချိန်တွင် ပထမခံစားချက်မျိုးနှင့် မတူ။ သင့်နှလုံးသားသည် အချစ်မီးလျှံဖြင့် လောင်ကျွမ်းလျက် ရှိပေအံ့။ 

တယ်လီရာမာ ၊ ပြင်သစ်

စိတ်လှုပ်ရှားမှုများ၊ အရောင်များ၊ ရနံ့များ၊

မတုပနိုင်သော ဒရာမ္မာများစသည့် ဝဲကတော့များ ပြွမ်းတီးနေသော သုခမြို့တော် စာအုပ်ကို ဖတ်ရှုသူ မှန်သမျှသည် ဧကန် ပြောင်းလဲမှု ဖြစ်ပေါ်မည် အမှန်ပင်။ ဤစာအုပ်သည် ကျွန်ုပ်တို့အား ထိတ်လန့်တုန်လှုပ်ဖွယ် အမှန်တရားကို ဆောင်ကြဉ်းလာသည်။ စိတ်ပျက်စရာကောင်းသော ကမ္ဘာတွင် နေထိုင်ရသူများကို မျှော်လင့်ချက်တည်း ဟူသော အံ့ဩဖွယ်ကောင်းသော သင်ခန်းစာကို ပေးလိုက်သည်။ ဤစာအုပ်သည် ကိုယ်ပိုင် အမှတ်လက္ခဏာ ရှိသော စာပေအမျိုးအစားတစ်ရပ်၊ မေ့ပျောက်၍ မရနိုင်သော စာပေလက်ရာ။ 

ဖရန်ဆွာ မဂ္ဂဇင်း

လာပီယဲ ရဲ့ မူရင်းစာအုပ်ကို ဖတ်လိုက်ရတော့ ကျွန်တော့်စိတ်မှာ တော်တော်ထိခိုက်သွားတယ်။ သမီးကလေးကို မင်္ဂလာဆောင်ပေးဖို့ အရိုးကို ရောင်းခဲ့ရတဲ့ ဟာစရီပါးရဲ့ အဖြစ်ကို ကျွန်တော်စာနာမိတယ်။ ဒါကြောင့်မို့ ဒီဝတ္ထုကို ကျွန်တော် ဘာသာပြန်ဖြစ်သွားတယ်။ သူ့ဝတ္ထုဟာ ဒီလောက်ကြီးမားတဲ့ အကျပ်အတည်း၊ အခက်အခဲတွေကြားမှာ လူတွေ ဘယ်လို အသက်ရှင်ကျန်အောင်၊ ကြိုးပမ်းကြသလဲ၊ ဘယ်လို တစ်ယောက်နဲ့ တစ်ယောက် စာနာတတ်လာကြသလဲ၊ ဘယ်လို တစ်ယောက်နဲ့ တစ်ယောက်

ချစ်ခင်တွယ်တာတတ်လာကြသလဲ ဆိုတာကို ရေးပြထားတဲ့ ဝတ္ထုလို့ စာရေးဆရာက ဆိုတယ်။

မြသန်းတင့်

*မလေးရှားနိုင်ငံအနှံ့ သုတ၊ ရသ စာအုပ်များကို ပစ္စည်းရောက်ငွေချေစနစ်ဖြင့် ပို့ဆောင်ပေးပါသည်။

• စာပို့ဆက်သွယ်ရန် Link
  
• 4NiX Store Facebook Page