သူ့အတွက် - ကောင်းစံသာ(ရေကြည်) Burmese Book

ကံကောင်းမှုဆိုတာ သင့်အိမ်တံခါးကို ခေါက်ပြီး 

သင့်ဆီကို အလိုအလျောက် ရောက်ရှိလာမဲ့ အရာမျိုးတော့ မဟုတ်ဘူး.....

အနည်းဆုံးတော့ သင် အိမ်တံခါးကို ဖွင့်ပြီး အပြင်ထွက်ရမယ်.....

ကောင်းမွန်မှန်ကန်တဲ့ အရာတွေအတွက် ရုန်းကန်လှုပ်ရှားမှုပြုရမယ်.....

ကံကောင်းမှုဟာ စဉ်ဆက်မပြတ်ကြိုးစားအားထုတ်နေသူထံသာ

ဆုလာဘ် အဖြစ် ရောက်ရှိလာတတ်လို့ပါပဲ

ကောင်းစံသာ(ရေကြည်)

သူ့အတွက် ဆိုတဲ့ စာအုပ်ထဲမှ ကောက်နုတ်ချက်

ထိုသူမျိုးကို ဖတ်စေချင်၊ သိစေချင်၊ သတိပြုပြင်ဆင်စေချင်၊ စိတ်ဓာတ်ခွန်အား မြင့်တက်စေချင်၊ ပျော်ရွှင်ချမ်းမြေ့စေချင်၊ နှလုံးသား အရည်အချင်း ပြည့်ဝစေချင်၊ ကောင်းစေချင်၊ တော်စေချင်စတဲ့ ဆန္ဒမွန် ပေါင်းများစွာနဲ့အတူ အားထုတ်ရေးသားပေးထားတဲ့ ဒီ စာအုပ်လေးကို လည်း “သူ့အတွက်”လို့သာ အမည်ပေးလိုက်ပါတယ်။

ဒီစာအုပ်လေးမှာ ကြေးမုံသတင်းစာမှာ ရေးသားခဲ့တဲ့ ဆောင်းပါး တချို့နဲ့အတူ၊ ဆောင်းပါးသစ်များ၊ စာစုများ၊ ပုံပြင်များ၊ ကဗျာများကို ပါ ဖြည့်စွက်ရေးသားပေးထားတာကြောင့် စာချစ်သူတို့အတွက် အသိသုတ များ ရရှိခြင်း၊ စိတ်ဓာတ်ခွန်အားမြင့်တက်ခြင်း၊ နှလုံးသားအလှများကို ထုဆစ်ပုံဖော်နိုင်ခြင်း၊ ဘဝတန်ဖိုးရှိစေခြင်း စတဲ့ အကျိုးကျေးဇူးများကို ရရှိနိုင်ပါလိမ့်မယ်။ စာချစ်သူမိတ်ဆွေများ ကျန်းမာချမ်းသာစွာဖြင့် တန်ဖိုး ရှိတဲ့ ဘဝတစ်ခုကို ဖန်တီးပုံဖော်နိုင်ကြပါစေ။

မေတ္တာများစွာဖြင့် ကောင်းစံသာ(ရေကြည်)

*မလေးရှားနိုင်ငံအနှံ့ သုတ၊ ရသ စာအုပ်များကို ပစ္စည်းရောက်ငွေချေစနစ်ဖြင့် ပို့ဆောင်ပေးပါသည်။

• စာပို့ဆက်သွယ်ရန် Link
  
• 4NiX Store Facebook Page