YOU CAN DO IT မင်းလုပ်နိုင်ပါတယ် (Min Khant - Verse) Burmese Book

YOU CAN DO IT မင်းလုပ်နိုင်ပါတယ် 

ဒီစာအုပ်က အရှေ့မှာထွက်ရှိခဲ့တဲ့ You Can Change စာအုပ်ရဲ့ အဆက်လို့ပြောလို့ရပါတယ်။ ဒါပေမယ့် အကြောင်းအရာတော့ နည်းနည်းလေးကွဲသွားပါတယ်။ 

အရှေ့မှာထွက်ခဲ့တဲ့ မင်းပြောင်းလဲနိုင်ပါတယ် စာအုပ်ဟာဆိုရင် လူငယ်တစ်ယောက်ရဲ့ အချစ်ကြောင့်မှားယွင်းခဲ့တဲ့ဘဝကို ပြန်ပြီးတည်ဆောက်ခဲ့တဲ့ ဝတ္ထုတိုလေးနဲ့ ကိုယ်ယုံကြည်ရာလမ်းကိုစလျှောက်မယ့်လူငယ်တွေအတွက်အဓိကထားပြီးရေးထားတာပဲဖြစ်ပါတယ်။ 

အခု You Can Be (မင်းဖြစ်နိုင်ပါတယ်) ဆိုတဲ့စာအုပ်ကတော့ စိတ်ဓာတ်ကျနေပြီး မွန်းကျပ်မှုတွေနဲ့ပြည့်နေတဲ့လူငယ်တွေ၊ ဘယ်လိုပြန်ပြီး လမ်းစလျှောက်ရမလဲဆိုတာထက် လမ်းကိုတောင်ပျောက်နေတဲ့လူငယ်တွေအတွက်အဓိကထားပြီးရေးဖွဲ့ထားပါတယ်။ 

အောင်မြင်တဲ့အကြောင်း၊ စိတ်ဓာတ်မာကျောတဲ့ အကြောင်းအရာတွေထက် စိတ်ပိုင်းဆိုင်ရာနဲ့ပတ်သက်ပြီး အထောက်အကူဖြစ်စေမယ့်နည်းလမ်းတွေ၊ ကျွန်တော်ကျင့်သုံးခဲ့တဲ့ နည်းလမ်းတချို့တွေပါဝင်ပါတယ်။ 

အခန်းကို (၂) ခန်းခွဲထားပြီး ပထမအပိုင်းမှာဆိုရင်တော့ အတွေ့အကြုံနဲ့ အတွေးအမြင်စာစုတွေ၊ စကားစုတွေကိုဖတ်ရမှာပဲဖြစ်တယ်။ ဒုတိယအခန်းမှာတော့ ၂၁ ရာစုမှာစိတ်ပျော်ရွှင်ဖို့ ဆိုတဲ့ ခေါင်းစဥ်နဲ့အညီ ၂၁ ရာစုလို့ရှုပ်ထွေးပြီး ပင်ပန်းစရာကောင်းတဲ့ခေတ်ထဲ ရှင်သန်နေထိုင်ဖို့ အကောင်းဆုံးနည်းလမ်းတွေကိုမျှဝေပေးသွားမှာပဲဖြစ်ပါတယ်။ 

တစ်ခုဝန်ခံချင်တာက ဒီစာအုပ်ထဲက နည်းလမ်းတွေအားလုံးက ကျွန်တော်ကိုယ်တိုင်လည်းကြိုးစားနေဆဲအဆင့်ပဲဖြစ်ပါတယ်။ အလုံးစုံကျွန်တော်ကိုယ်တိုင်လည်းလိုက်မလုပ်နိုင်သေးပါဘူး။ 

အဲ့တော့ ဒီစာအုပ်လေးကိုလည်းနှစ်သက်လိမ့်မယ်လို့ယုံကြည်ပါတယ်။

စာအုပ်အမည် - မင်းလုပ်နိုင်ပါတယ်(You Can Do It)

စာရေးသူ   - မင်းခန့်(Verse)